«Կրասնոդարը» վերջապես պաշտոնապես հաստատեց Յուրա Մովսիսյանի տեղափոխության մասին լուրը։ Ակումբի պաշտոնական կայքը նշում է, որ «Ռանդերսի» հետ համաձայնություն ձեռք է բերել, իսկ պայմանագիր կկնքվի առաջիկա օրերին։

«Արդյունավետ հարձակվողի նկատմամբ հետաքրքրություն էին ցուցաբերում այնպիսի եվրոպական ակումբներ, ինչպիսիք են դանիական «Կոպենհագենը», իսպանական «Էսպանյոլը» և մյուսները։ Բայց արդյունքում նա ընտրեց «Կրասնոդարում» կարիերան շարունակելու տարբերակը։ Ներկա պահին Յուրա Մովսիսյանը Գերմանիայում բուժզննում է անցնում, որի ավարտից հետո ֆուտբոլիստի հետ պայմանագիր կկնքվի։ Սպասվում է, որ հարձակվողը թիմին կմիանա երկրորդ հավաքին, որը կայանալու է Թուրքիայում փետրվարի 2-ից 16-ը»,- նշված է «Կրասնոդարի» պաշտոնական կայքում։ 

Հիշեցնենք, որ Յուրա Մովսիսյանը Հայաստանի հավաքականի կազմում անցկացրել է 5 խաղ և խփել 3 գնդակ։ 

Յուրա Մովսիսյանի կարիերան