Մադրիդի "Ռեալի” գլխավոր տնօրեն Խորխե Վալդանոն հայտարարել է, որ պատրաստ է լքել իր պաշտոնը, եթե դա կօգնի պահպանել Մոուրինյոյին իր պաշտոնում: Ինչպես հայտնել ենք ավելի վաղ, Մոուրինյոն ցանկություն էր հայտնել ընթացիկ մրցաշրջանի ավարտից հետո լքել "Ռեալը” և տեղափոխվել անգլիական Պրեմիեր լիգայի որևէ ակումբ, քանի դեռ "Ռեալում” է աշխատում Վալդանոն:
"Եթե ես պետք է մի կողմ քաշվեմ, որպեսզի Մոուրինյոն իրենք հարմարավետ զգա, ապա թող հենց այդպես էլ լինի: Իմ պաշտոնը ստիպում է ինձ չթեժացնել իրավիճակը”, - Վալդանոյի խոսքերն է մեջբերում Tribalfootball-ը:
