«Վոլֆսբուրգը» պաշտոնապես հաստատել է, որ «Մոնակոյի» հարձակվող Դիեմերսի Մբոկանին տեղափոխվել է իրենց թիմ: Այս մասին հաղորդում է «Bild»-ը: Գերմանական ակումբը 25-ամյա աֆրիկացուն մինչև մրցաշրջանի ավարտը վարձակալության է վերցրել' ավարտից հետո գնման պայմանով: Նախնական տվյալներով, տրանսֆերի արժեքը կազմել է 7 մլն եվրո:
«Վոլֆսբուրգի» սպորտային տնօրեն Դիտեր Հենեսի խոսքերով, Մբոկանին հարձակվողի հենց այն տեսակն է, որն ակումբին անհրաժեշտ է: Ֆուտբոլիստի առավելությունների շարքում նա առանձնացրել է արագությունը և լավ դրված հարվածը:
