«Որոշումն ընդունվեց ձայների մեծամասնությամբ, բյուրոյի կազմի տասը մասնակիցներից ութը կողմ են քվեարկել: Այդ որոշումն ընդունելով' մենք առաջնորդվել ենք նրանով, որ «Կրասնոդարից» դիմում էր ներկայացվել, իսկ մյուսները դա չարեցին,թեև մինչև վերջ սպասել ենք»:
-Չե՞ք կարծում, որ հենց «Նիժնի Նովգորոդն» ու «ԿԱՄԱԶ»-ը սպասում էին հրավեր նամակի ՌՖՄ-ի և ՌԴՊԼ-ի կողմից:
-Նման հարցադրումներ կանոնակարգում նշված չեն: Բոլորին հայտնի էր, որ հունվարի 25-ին կայանալու է ՌԴՊԼ-ի ընդհանուր հավաքը: Նախաձեռնություն պետք է ակումբները ցուցաբերեին: «Կրասնոդարի» առաջարկը շատ տպավորիչ էր, այդ թվում և ակումբի վճարունայության տեսանկյունից: Տպավորիչ էին նաև ենթակառուցվածքները, օրինակ, Սերգեյ Գալիցկին հրաշալի դպրոց է կառուցել և կկառուցի մարզադաշտ: Ընդհանրապես ապագան մասնավոր ակումբներինն է, ինչիպիսին է նաև «Կրասնոդարը»:
-Դուք նամակ եք ստացել նաև Հյուսիսային Օսիայի նախագահից' խնդրանքով, որպեսզի քննարկեք «Ալանիայի»' Պրեմիեր լիգայում ելույթ ունենալու հարցը:
-Այդ նամակի քննարկումը, ցավոք, կանոնակարգի շրջանակներում չէր, քանի որ մարզական սկզբունքով «Ալանիան» դուրս է եկել Պրեմիեր լիգայից: Որպեսզի «Ալանիան» մնար, պետք է կանոնակարգը փոխվեր: Իսկ դա կարող է անել միայն ՌՖՄ-ի գործկոմը: Ակումբների' դիվիզիոնից դիվիզիոն տեղափոխության հարցը կանոնակարգվում է նախորդ տարվա կանոնակարգով»,-Ֆուրսենկոյի խոսքերն է մեջբերում «Սպորտ Էքսպրեսը»: