«Արսենալի» գլխավոր մարզիչ Արսեն Վենգերը Անգլիայի գավաթի կիսաեզրափակչում' «Իսպվիչի» դեմ տարած հաղթանակից հետ (3:0) ասել է, որ ցանկանում է հաղթել բոլոր մրցաշարերը,  որոնց իր  թիմը մասնակցում է այս մրցաշրջանում:

«Իմ թիմը հաջողության է  ծարավ: Մենք ցանկանում ենք հաղթել բոլոր չորս մրցաշարերը, որին մենք մասնակցում ենք: Դա մեր մեծագույն նպատակներից մեկն է: Ինչ վերաբերում է «Իսպվիչին», ապա արժանին պետք է մատուցել այս ակումբին երկու խաղերի համար: Կնշեի նաև Սեսկ Ֆաբրեգասին, նա բնածին հաղթող է, ով միշտ ցանկանում է հաղթել: Վերջին չորս հանդիպումներում մենք երեքական գնդակ ենք խփել  յուրաքանչյուրում' թողնելով ընդամենը մեկը: Մեր արդյունավետությունն ինձ ուրախացնում է»,-Վենգերի խոսքերն է մեջբերում  «Goal.com»-ը:

Հիշեցնենք, որ «Արսենալը» գավաթի խաղարկության եզրափակչում կհանդիպի «Բիրմինգեմ»-«Վեսթ Հեմ» զույգի հաղթողի հետ: Եզրափակիչը կկայանա փետրվարի 27-ին «Ուեմբլիում»: