«Բոկա Հունիորսի» փոխնախագահ Խոսե Բերալդին հայտարարել է, որ արգենտինական ակումբը կփորձի ձեռք բերել «Մանչեսթեր Սիթիի» հարձակվող Կառլոս Տևեսին։

 «Մենք կփորձենք համաձայնության գալ Կառլոս Տևեսի տեղափոխության վերաբերյալ։ Ես հասկանում եմ, որ դա հեշտ չի լինի, սակայն մենք ամեն դեպքում կփորձենք։

Եթե Կառլոսը որոշի վերադառնալ «Բոկա», մեր դռները միշտ բաց են նրա առջև, քանի որ նա մեր սանն է», - Բերալդիի խոսքերն է մեջբերում  The Guardian-ը։

Արգենտինացին հանդես է եկել «Բոկա Հունիորսի» կազմում 2001-2004թթ.։