Բրիտանական մամուլը նոր մանրամասներ է հրապարակել Կառլոս Տևեսի և, մասնավորապես, արգենտինացու և Ռոբերտո Մանչինիի միջև կայացած հանդիպման մասին, հաղորդում է soccer.ru-ն։
Մանչինին զանգահարել է Տևեսին, երբ վերջինս Մանչեսթեր գալու ճանապարհին էր, և պայմանավորվել է հանդիպել։ Մանչինին Տևեսից պահանջել է հրապարակավ ներողություն խնդրել իրենից, ինչպես նաև ակումբի նախագահ Հալդուն ալ-Մուբարակից, որից հետո նա կկարողանա մարզվել ընդհանուր խմբում և վերադառնալ խաղադաշտ։
Սակայն իր անմեղության մեջ վստահ Տևեսը, ով պնդում է, թե ինքը չի ցանկացել հերթական անգամ նախավարժանք անել, այլ ոչ թե՝ խաղադաշտ դուրս գալ, հրաժարվել է փոխհամաձայնության գալ ակումբի հետ։ Ֆուտբոլիստն իր հերթին կարծում է, որ Մանչինին պետք է ներողություն խնդրի։
Հինգշաբթի օրը Տևեսը մարզաբազա է ժամանել այն ժամանակ, երբ հիմնական թիմն ավարտել էր մարզումը և միայնակ է մարզվել։