Միլանի «Ինտերի» կիսապաշտպան Ուեսլի Սնեյդերը խոստովանել է, որ «Մանչեսթեր Յունայթեդ» տեղափոխվելու որոշումից իրեն հետ է պահել «ներաձուրիների» նախկին մարզիչ Ժոզե Մոուրինյոն, հաղորդում է soccer.ru-ն։

«Մոուրինյոն զանգահարեց ինձ և ասաց, որ ցանկանում է՝ ես մնամ։  Նրա սիրտն առաջվա պես «Ինտերին» է պատկանում և նա միշտ ինձ խորհուրդ է տվել մնալ «ներաձուրիների» կազմում։

Ուրախ եմ, որ շարունակելու եմ խաղալ «Ինտերում», քանի որ երբեք չեմ ցանկացել լքել այս ակումբը։ Այլևս չեմ ցանկանում խոսել «Մանչեսթեր Յունայթեդի» մասին»,-ասել է Սնեյդերը։