Հայաստանի հավաքականի հետ Եվրո-2012-ի ընտրական փուլի վերջին խաղի նախօրեին, Իռլանդիայի հավաքականի դարպասապահ Շեյ Գիվենը նշել է, որ իռլանդացիները խաղալու են միայն հաղթանակի համար` չնայած այն հանգամանքին, որ
փլեյ-օֆֆ դուրս գալու համար Ջովանի Տրապատոնիի սաներին կբավարարի նույնիսկ ոչ-ոքին:
Անգլիական "Աստոն Վիլլայի" դարպասապահը չի բացառել նաեւ, որ Անդորրայի հավաքականի կարող է Մոսկվայում հաղթել Ռուսաստանի ընտրանուն:
- Անցկացրած վերջին երկու խաղերում Հայաստանի հավաքականը խփել է 8 գնդակ: Հիմա հայերը վերելքի վրա են եւ երեքշաբթի մեզ դժվարին փորձություն է սպասվում: Մեզ բավարարում է նույնիսկ ոչ-ոքին, բայց մենք խաղալու ենք հաղթանակի հասնելու համար, քանի որ վերջին րոպեներին կարող է ամեն ինչ էլ պատահել: Հուսով եմ, որ մենք կարող ենք հաջողության հասնել:
- Անդորրան կարող է հաղթել Ռուսաստանին, քանի որ ֆուտբոլն անկանխատեսելի է: Չնայած` բոլորի համար պարզ էր, որ դեռեւս ընտրական փուլի մեկնարկից առաջ Ռուսաստանը մեր խմբի ֆավորիտն էր, - Շեյ Գիվենի խոսքերն է մեջբերել Associated Press գործակալությունը:
