Այսօր Ուելսի հետ կայանալիք հանդիպմանը "Մանչեսթեր Յունայթեդի” հարձակող Ուեյն Ռունին իր 70-րդ խաղը կանցկացնի Անգլիայի հավաքականի կազմում, ինչը հիանալի նվաճում է 25-ամյա ֆուտբոլիստի համար, հաղորդում է terrikon.com-ը:
Արդեն անցկացրած 69 հանդիպումներում Ռունին 26 գոլ է խփել, սակայն վերջին 14 խաղերում միայն մեկ անգամ է աչքի ընկել: Եվ կասկած չկա, որ հիմա, երբ "կարմիրների” հարձակվողն անցյալում է թողել տապալված աշխարհի առաջնությունը, վնասվածքները, սկանդալները, պայմանագրային հարցերն իր ակումբի հետ, կկենտրոնանա խաղի վրա և իր խոսքը կասի հավաքականում:
Հունվարից սկսած`Մանչեսթեր Յունայթեդի” կազմում Ռունին 7 գոլ է խփել 15 հանդիպումներում, ու թեև դեռ չկա այն կայունությունը, որ նա ցուցադրում էր նախորդ մրցաշրջանում, Ռունին արդեն իսկ սկսել է բարելավել իր խաղը, ինչի մասին վկայում է նրա ֆանտաստիկ գոլը Մանչեսթերի դերբիում:
Եթե անդրադառնանք Անգլիայի հավաքականին, ապա մինչ այդ 14 հանդիպումները Ռունին 11 գոլ էր խփել նախորդ 10 հանդիպումներում:
Կապելոն ևս մեծ հույսեր է կապում Ռունիի հետ. "Ուեյնը վերադարձել է և լավ է խաղում: Նա "Մանչեսթեր Յունայթեդում” հիանալի էր գործում այն խաղերում, որոնք դիտել եմ: Ռունին մեզ համար շատ հարմար պահի է վերադարձել”:
Խնդիրը նրանում է, որ Անգլիայի հավաքականի երկրպագուները բազմիցս լսել են այս խոսքերը և մեծ հույս ունեն, որ այս անգամ Կապելոն չի սխալվում:
