"Կորինտիասի" պաշտպան Ռոբերտո Կառլոսը առաջիկայում հնարավոր է, որ լքի բրազիլական ակումբը երկրպագուների հետ ունեցած տարաձայնությունների պատճառով: Վերջին շրջանում 37-ամյա ֆուտբոլիստը մի շարք սպառնալիքներ է ստացել իր հասցեին: Երկրպագուների զայրույթի պատճառն այն է, որ"Կորինտիասը" դուրս եկավ Լիբերտադորեսի գավաթի խաղարկությունից:
"Ես մտածել եմ որոշ հարցերի շուրջ' անհանգստանալով իմ առողջության համար: Վերջին շրջանում ես և իմ ընտանիքը մի քանի հեռախոսային սպառնալիք ենք ստացել: Ես բրազիլական այլ ակումբ չեմ տեղափոխվի, սակայն պատրաստ եմ քննարկել այլ երկիր տեղափոխվելու տարբերակը: Ես կարող եմ լքել "Կորինտիասը",-ասել է Կառլոսը:
Հիշեցնենք, որ վերջին շրջանում բավական ակտիվ էին այն խոսակցությունները, թե "Ռեալի" նախկին ֆուտբոլիստի ծառայություներով հետաքրքրված է "Անժին":
