Իսպանական թերթերի տեղեկություններով, Մադրիդի  «Ռեալը» պատրաստվում   է առաջիկա ամռանը հրաշալի նախագիծ իրականացնել: Ակումբը մտադիր է թիմ հրավիրել «Ատլետիկոյի» հարձակվող Սերխիո Ագուերոյին:

Հունվարի վերջին ակումբն արգենտինացի հարձակվողի հետ պայմանագիր է կնքել' մերժելով անգլիական  Պրեմիեր լիգայի գրանդ ակումբների շռայլ առաջարկները:

Հասկանալով Էնրիկե Սերեսոյի և Կոյի անզիջողականությունը' «Ռեալի» նախագահ Ֆլորենտինո Պերեսը պատրաստ է  առաջարկել  28 մլն եվրո, ինչպես նաև Ալվարո Նեգրոդյին, ով ներկա պահին ելույթ է ունենում «Սևիլյայում»: Երբ իսպանացին լքում էր «Ռեալը» 2009թ-ին, ակումբները պայմանավորվել էին, որ Ալվարոն կարող է վերադառնալ մայրաքաղաք 17 մլն եվրոյով: Այս կետի ժամկետը լրանում է 2011թ-ի ամռանը:

Իսպանական  «Marca» թերթի տեղեկություններով, Ագուերոյի գնման գին սահմանված է 45 մլն եվրո, ինչը համապատասխանում է  «Ռեալի» առաջարկին: