Ռուսաստանի հավաքականի հարձակվող Ռոման Պավլյուչենկոն Հայաստանի հետ կայանալիք հանդիպման նախաշեմին զրուցել է "Известия”-ի թղթակցի հետ:

-Ձեզ զարմացրե՞լ է արդյոք այն փաստը, որ Հայաստանի հավաքականն առաջիկա հանդիպմանը ներկայանալու է խմբի առաջատարներից մեկի կարգավիճակում:

-Ոչ, Եվրոպայում մի շարք հավաքականներ իրենց ուժերով հավասարվել են: Թեև եթե նույնիսկ Հայաստանն այժմ զբաղեցներ վերջին հորիզոնականը, ես, միևնույնն է, կոչ կանեի բոլորին զգոն լինել: Հայերը միշտ էլ վտանգավոր են գործում սեփական հարկի տակ:

-Կարդացե՞լ եք արդյոք այն լուրերը, համաձայն որոնց, այս հանդիպումը պայմանավորված բնույթ էր կրում:

-Այո, բայց երբ ես նման բան եմ լսում, մեծ ուշադրություն չեմ դարձնում դրան: Հույս ունեմ, որ երկրպագուները ևս նույն կերպ կվերաբերվեն այդ ասեկոսեներին:

Լուսանկարը` Спорт-Экспресс