«Մանչեսթեր Յունայթեդի» սևամորթ ֆուտբոլիստ ֆրանսիացի Պատրիս Էվրան անգլիական Պրեմիեր լիգայի՝ «Լիվերպուլի» հետ հանդիպումից հետո (1։1) մեղադրել է հակառակորդի հարձակվող ուրուգվայցի Լուիս Սուարեսին այն բանի մեջ, որ վերջինս ռասիստական արտահայտություններ է արել իր հասցեին։ Այդ մասին հայտնում է Daily Mail-ը։
Էվրայի խոսքերով, Սուարեսը իրեն վիրավորել է ավելի քան 10 անգամ՝ անվանելով նրան «նիգեր»։ Երկրորդ խաղակեսում այդ երկու ֆուտբոլիստների միջև բախումից հետո, մրցավարը Էվրային դեղին քարտ ցույց տվեց։ Անգլիայի ֆուտբոլային ասոցիացան մտադրված է հետաքննություն սկսել, այն բանից հետո, երբ հանդիպման մրցավար Անդրե Մարիները Էվրայի բողոքները ընդգրկել է խաղի մասին իր զեկույցում։
Էվրան հանդիպումից հետո ասել է, որ իրեն շատ վատ է զգում կատարվածից հետո՝ նշելով, որ մրցավարը գիտեր, թե ինչ է նրան ասել Սուարեսը։ «Չեմ ցանկանում ասել, թե ինչ է խոսքեր է հնչեցրել իմ հասցեին Սուարեսը, բայց դա ռասիստական բառ է։ Նա փորձում էր այդպիսով ինձ հունից հանել։ Չէի ցանկանա դրանից այդպիսի սկանդալ սարքել, բայց ես շատ հիասթափված եմ», - ասել է Էվրան։ Նշենք, որ Սուարեսը հերքում է բոլոր մեղադրանքները։