Ռուսաստանի հավաքականի նախկին հարձակվող Ալեքսանդր Պանովը խոսել է "Եվրո-2012”-ի` Հայաստանի հետ կայանալիք ընտրական հանդիպման մասին:
"Անկախ այն բանից, թե ով է մեր հակառակորդը, մենք միայն հաղթանակ ենք ակնկալում: Այլ հարց է, թե ինչպես է պետք իրականացնել այդ նպատակը: Անկեղծ ասած` կարծում եմ, մենք վախենալու ոչինչ չունենք, քանի որ մեր ֆուտբոլիստների մակարդակը շատ ավելի բարձր է: Իհարկե, պարտվել Իրանին կամ Հայաստանին, արդեն չափազանց կլինի, այնպես որ մենք հավատում ենք մեր տղաների հաջողությանը: Իհարկե, հայերը ևս շատ ոգևորված են լինելու, քանի որ վերջին 20 տարիների ընթացքում նրանց վերջապես հնարավորություն է ընձեռվել հայտնվել Եվրոպայի առաջնությունում:
1999թ. Երևանում կայացած հանդիպու՞մը: Իհարկե, ես հիշում եմ այն, քանի որ դա իմ նորամուտն էր Ռուսաստանի հավաքականի կազմում: Մենք առանց որևէ խոչընդոտի հաղթեցինք 3:0 հաշվով: Եվ զարմանալի չէ, քանի որ այն ժամանակ հավաքականի կազմում հանդես էր գալիս "Սպարտակի” գրեթե ողջ կազմը, ինչպես նաև ես: Այժմ իրավիճակը փոքր-ինչ փոխվել է, քանի որ թիմի կազմում բացակայում են Տիտովը, Տիխոնովը և Բուլատովը… Այժմ Ռուսաստանի հավաքականը միջին մակարդակի թիմ է, այսինքն` կարող է ինչպես հաղթել յուրաքանչյուր թիմի, այնպես էլ պարտվել:
Դատելով վերջին հանդիպումներից` կարելի է ասել, որ մեր հակառակորդների տրամադրվածությունը մտավախություն է առաջացնում, քանի որ մոտիվացիայի հետ խնդիրներ կան: Հակառակորդի համար հաղթանակը մեծ իրադարձություն կլինի, իսկ եթե նրանք պարտվեն, ոչ ոք նրանց չի քննադատի: Մեզ համար Հայաստանը…ինչպես Անդորրան: Լավ հակառակորդ է, բայց ոչ գրանդ: Կցանկանայի, որպեսզի տղաները լրջորեն մոտենային այս խաղին, դաշտ դուրս գային այնպես, ինչպես դա անում է Ալեքսանդր Անյուկովը: Նա, թերևս, միակ ֆուտբոլիստն է, որ միշտ մարտի է նետվում և միշտ մոտիվացիա ունի: Եթե մնացածն էլ նրա պես հանդես գան, մենք որևէ խնդիր չենք ունենա”, - Պանովի խոսքերն է մեջբերում «Спорт день за днем»-ը:
