Ֆրանսիայի հավաքականի կիսապաշտպան Սամիր Նասրին Եվրո-2012-ի ընտրական փուլում Ռումինիայի հետ հանդիպմանը (0:0) վնասվածք է ստացել, հաղորդում է Sportbox.Ru-ն՝ հղում անելով The Guardian-ին։

«Մանչեսթեր Սիթիի» նորեկի մոտ բժիշկներն ախտորոշել են ոսկրի կոտրվածք։ Առայժմ հայտնի չէ, թե որքանով է լուրջ վնասվածքը։

Նշենք, որ Նասրին կարողացավ մասնակցել հանդիպմանը մինչև վերջ։ Այժմ «քաղաքաբնակների» բժիշկներին մնում է պարզել՝ արդյոք նա կկարողանա՞ խաղալ Անգլիայի առաջնության հերթական հանդիպմանը։