«Championat.ru» կայքը հավաքել է  Ժոզե Մոուրինյոյի ամենադիպուկ արտահայտությունները:  Գաղտնիք չէ, որ  պորտուգալացի մասնագետը հայտնի է դիմացինին սադրելու և ինքն իր արժեքը բարձրացնելու բացառիկ կարողությամբ:

1."Ես տեսնում եմ, որ դուք բավական մեծացել  եք":"Պորտու"-"Դեպորտիվո" խաղից առաջ Մոուրինյոն այսպես է ողջունել  իսպանացի  լրագրողներին:

2. "Իմ մարզչական աշխատանքը չի կարելի համեմատել Ֆրանկ Ռայկարդի հետ, քանի որ նա ոչ մի տիտղոս չի նվաճել, իսկ ես դրանցից շատ ունեմ": Այսպես է նա քննադատել Ֆրանկ Ռայկարդին, ով դեռ այդ պահին "Բարսելոնայի" հետ տիտղոս չէր նվաճել:

3. "Բարսելոնան մշակութային քաղաք է' հայտնի թատրոններով: Այստեղ լավ ներկայացումներ են բեմադրվում, իսկ Լեո Մեսսին շատ լավ է սովորել կատակերգություն խաղալը": Մեկնաբանություն դել Օրնոյի' խաղադաշտից  հեռացումից հետո, որը նա վաստակել էր Մեսսիի նկատմամբ խախտում թույլ տալու համար:

4. "Բարսելոնան" մեծ ակումբ է, սակայն իրենց 200-ամյա պատմության ընթացքում միայն մեկ անգամ են հաղթել Չեմպիոնների լիգան: Ես համեմատաբար վերջերս եմ սկսել մարզչական աշխատանքս և ես այս մրցաշարից այդքան տիտղոս ունեմ": Պոռթկում "Բարսելոնայի" հասցեին 2005թ-ին:

5. "Ինչո ՞ւ են իմ գործընկերները  քննադատում ինձ:  Որովհետև բոլորը  բոլորը հրաշալի հասկանում են, որ հաջորդ օրը կհայտնվեն թերթերի առաջին էջերին: Դա նրանց համար անվճար գովազդ է":

6. "Ես լավագույնը չեմ աշխարհում, սակայն չեմ կարծում,որ կգտնի ինձնից լավ  ուրիշ մեկը":

7. "Չելսին" հզոր ակումբ է, որը, ներողություն մեծամտության համար, ունի հզոր մարզիչ:

8. "Երեք տարի առանց հաղթանակի պրեմիեր լիգայում: Չեմ կարծում, որ նրա փոխարեն ես կպահպանեի աշխատանքս": Ակնարկ "Լիվերպուլի" մարզիչ Ռաֆայել Բենիտեսի հասցեին:

9. "Դուք իսկապե ՞ս ցանկանում եք իմանալ իմ քաղաքական նախապատվությունների մասին: Ես կողմնակից եմ 4-3-3 համակարգին": Հրաժարվել է  քննարկել  քաղաքական թեմաներ:

10. "Ես տեսել եմ, թե ինչպես "Մանչեսթեր Յունայթեդը" և նրանց մարզիչը պատվո շրջան կատարեցին այն բանից հետո, երբ պարտվեցին իրենց խաղադաշտում: Պորտուգալիայում դրա համար տրիբունայից շիշ կնետեն վրադ":

11. "Ես չեմ ցանկանում, որպեսզի  Կրոյֆն ինձ սովորեցնի, թե ինչպես կարելի է պարտվել Չեմպիոնների լիգայի եզրափակիչում 0:4 հաշվով":  Ի պատասխան Յոհան Կրոյֆի քննադատությանը Մոուրինյոյի չափից դուրս պրագմատիզմի համար:

12. "Եթե ես հեշտ աշխատանք փնտրեի, ապա "Պորտուում" կմնայի' շատ հարմար բազկաթոռին: "

13. "Ուշադրություն դարձրեք իմ սանրվածքին, ես պատերազմի եմ պատրաստվում": Նոր մրցաշրջանի նախապատրաստության մասին:

14. "Վենգերն" այն մարդկանցից է, ում վուայերիստ են անվանում: Նրան դուր է գալիս հետևել ուրիշներին: Կան մարդիկ, ովքեր տանը հսկայական հեռադիտակ ունեն և ուրիշների ընտանիքներին են հետևում: Ինչո ՞ւ է նա միշտ կենտրոնանում "Չելսիի" վրա" :

15. "Աստծո սիրուն, ինձ մեծամիտ մի անվանեք: Ես Չեմպիոնների լիգան եմ հաղթել և կարծում եմ, որ առանձնահատուկ նշանակություն ունեմ: Վենգերը, Բենիտեսը, Ֆերգյուսոնը երբեք նման նշանակություն  չեն ունենա":

16. "Եթե Աբրամովիչն ինձ օգներ մարզչական աշխատանքում, մենք աութսայդերների թվում կլինեինք":

17. "Թող բոլորը հանգիստ լինեն. Լոնդոնը դարձյալ անվտանգ քաղաք է": Այսպես  է նա արտահայտվել, երբ իր շանը Լոնդոնի ոստիկանության հետ ունեցած խնդիրների պատճառով ետ է ուղարկել Պորտուգալիա:

18. "Աբրահամ Գրանտն ասում է, որ Չեմպիոնների լիգայում և պրեմիեր լիգայում  երկրորդը լինելը  ձախողում չէ: Դա պարտվող մարդու հոգեբանություն է: Ես նրան հարգում եմ, բայց չեմ հասկանում, ես հաղթող եմ":

19."Ես տեսել եմ "Բարսելոնայի" խաղացողներին, ովքեր բողոքում էին մրցավարությունից, բայց երևի նրանք վատ հիշողություն ունեն": Հիշեցում կատալոնացիներին  "Չելսիի" հետ խաղի մրցավարության մասին:

20. "Ես միշտ ասել եմ, որ իմ ֆուտբոլիստներն աշխարհում լավագույնն են: Ես այդպիսի բան ասել եմ այնպիսի համեստ ակումբում, ինչպես "Պորտուն" է: Հետո ես դա կրկնել եմ "Չելսիում": Հիմա աշխարհի ամենալավ ֆուտբոլիստները "Ինտերում" են": 

21. "Հիմա երևի ողջ Իտալիան ցնծում է, որ մենք Չեմպիոնների  լիգայից դուրս եկանք":  2009թ-ին "Մանչեսթեր Յունայթեդից" կրած պարտությունից հետո:

22. "Շատ թիմեր և մարզիչներ կան, ովքեր հաղթել են Չեմպիոնների լիգան:  Կան նույնիսկ այնպիսիք, ովքեր երկու անգամ են դա արել: Բայց միայն մի թիմ և մարզիչ կա, ովքեր եզրափակիչում 3:0 հաշվով առաջ էին, սակայն հաջողացրին պարտվել": Խայթոց Կառլո Անչելոտիի հասցեին:

23. "Կական շատ լավն է: Նույնն էլ կարելի է ասել Պատոյի և Բեքհեմի մասին: Բայց "Միլանը" մեզ զիջում է վեց միավորով, և դեռ ոչ մեկը չի ասել, որ մրցաշրջանի արդյունքում նրանք զրո տիտղոս կունենան": Կատարված մարգարեություն:

24. "Մի քանի ամսվա ընթացքում ես օրական հինգ ժամ իտալերեն էի սովորում, որպեսզի կարողանամ ֆուտբոլիստների, երկրպագուների, ԶԼՄ-ների հետ  շփվեմ: Իսկ Ռանյերին հինգ տարի ապրել է Անգլիայում, բայց դեռ նրա համար դժվար է անգլերեն ասել "Բարի օր" կամ "Բարի երեկո":

25. "Ռանյերին միայն մեկ Սուպերգավաթ է հաղթել, դա աննշան մրցաշար է: Նշանավոր տիտղոսներ նա երբեք չի հաղթել: Գուցե նա պետք  է իր մտածելակերպը փոխի, բայց դրա համար էլ շատ ծեր է":

26. "Նույնիսկ Հիսուս Քրիստոսը չէր վայելում բոլորի համակրանքը: Նույնն էլ իմ դեպքում է": 

27. "Անգանգստացնում է արդյոք ինձ "Յուվենթուսը": Ուշադրություն դարձրեք աչքերիս տակի սև փոսիկներին. գիշերները չեմ քնում": 

28. "Մենք ունենք միայն " "Inter Channel "-ը' 45 բաժանորդներով: Մինչդեռ "Միլանը" ունի երեք հեռուսատատեսային ալիք և մեկ թերթ: "Յուվենտուսը" ևս ունի իր թերթը' «Tuttosport» : Դա թույլ է տալիս խոսել ինտելեկտուալ մանիպուլյացիայի մասին, երբ այդ թերթերը մեկնաբանում են վիճելի դրվագները: Բողոք' ընդդեմմամուլի ոչ օբյեկտիվ մոտեցմանը: 

29. "Դուք տեսել եք իմ թիմի գոլային պահերը և այն, թե ինչպես էինք մենք գերազանցում հակառակորդին: Մենք կարող էինք հաղթել 5:1 հաշվով, եթե մեր թիմի դարպասապահը կարողանայի լինել ես": 

30. "Ինձ հարցրեցին' դիտել եմ արդյոք "Յուվենտուսի" խաղը: Ես դիտել եմ այն մինչ Ամաուրիի գոլը, այնուհետև մենք դադարեցինք հետևել իրադարձությունների զարգացմանը, քանի որ ընթրիքին մեզ սպասում էին ծովային ուտեստները": 

31. "Ես ինձ զգում եմ իտալական ֆուտբոլի "Ռոբին Գուդը", այդ իսկ պատճառով ինձ դուր է գալիս իմ աշխատանքը": 

32. "Ես տարեկան վաստակում եմ ոչ թե 9մլն եվրո, այլ 11 և նույնիսկ 14, եթե հաշվի առնենք նաև գովազդը: 

33. "Ինձ շատ է դուր գալիս, թե ինչպես են "Յուվենտուսի" ֆուտբոլիստները և երկրպագուները տոնում ոչ-ոքին մեզ հետ խաղում: Եվ դա չնայած այն փաստին, որ նրանք 10 միավորով զիջում են առաջատարին": 

34. "Ես  ավելի մեծ հաճույք ստացա, երբ հաղթեցինք "Բարսելոնային" Չեմպիոնների լիգայի կիսաեզրափակչում, քան երբ հաղթեցինք եզրափակիչը "Սանտյագո Բերնաբեուում":  

35. "Ո՞վ է Պեդրո Լեոնը: Նա ոչ Մարադոնան է, ոչ Զիդանը և ոչ էլ դի Ստեֆանոն: Դուք ինձ հարցնո՞ւմ եք, թե ինչու ես նրան չեմ ընդգրկել  թիմի հայտացուցակի մեջ: Դեռ երկու ամիս առաջ նա խաղում էր "Խետաֆեում": 

36. "Եթե մենք առաջնորդվեինք  քո ցանկությամբ, ապա մարզումները կսկսեինք 12:00-ին: Մենք սկսում ենք 10:00-ին, իսկ դու քնում ես մինչ 11:00"-ը: Սաստում է Քարիմ Բենզեմային": 

37. "Ես շատ ուրախ եմ, որ "Լևանտեի" ֆուտբոլիստերից և ոչ մեկը չհայտնվեց հիվանդանոցում":  Ակնարկում  էհակառակորդի հաճախակի սիմուլյացիաները:  

38. "Բենզեման գոլեր չի խփում, սակայն նա միակը չէ այդպիսին: Կա մի ֆուտբոլիստ, ում համար վճարել են 45մլն եվրո, բայց նա ևս չի խփում: Այնուամենայնիվ ոչ ոք ոչինչ չի խոսում այդ մասին": Ակնարկում է ԴավիդՎիլյայի գոլային երաշտը մրցաշրջանի սկզբում: 

39. "Եթե "Բարսելոնային" խաղեր են նվիրում, մեզ ավելի դժվար կլինի հաղթել ազգային առաջնություններում":Դժգոհում է, որ Խիխոնի "Սպորտինգը" խաղացել է "Բարսելոնայի" հետ խառը կազմով: 

40. "Եթե իմ ֆուտբոլիստներից որևէ մեկը շշեր նետեր, երեք ամսով կորակազրկվեր: Իսկ եթե ես ինձ նման բան թույլ տայի, այլևս երբեք չէի աշխատի որպես մարզիչ": "Վիլյառեալի" ֆուտբոլիստ Կանի մասին, ով շշովհարվածել էր նրան: 

41. "Ես արգելել եմ "Բարսելոնային" խաղալ "Սանտյագո Բերնաբեուում"  Չեմպիոնների լիգայի եզրափակչում, և նրանք դա չեն անի դեռ 30-40 տարի": 

42. "Եթե ես գնահատեի ինքս ինձ 10-բալանոց համակարգով, ապա ես 11 կնշանակեի": 

43. "Եթե որսի ես դուրս գալիս լավ շան հետ, ապա որսդ հաջող կլինի: Եթե շուն չկա, կատվի հետ ես անում դա, և, միևնույն է, որսը հաջող է ստացվում": Համեմատում է Գոնսալո Իգուաինին և Քարիմ Բենզեմային: 

44."Տեսնո՞ւմ ես իմ աչքերը: Արդեն մեկ շաբաթ է, որ չեմ քնում": Պատասխան Յոհան Կրոյֆին, ով ասել էր, որ Մոուրինյոն երբեք չի մարզի իր թիմը: 

45. "Ես ոչ մի կերպ չեմ կարող մրցակցել Մասիմիլիանո Ալեգրիի հետ. նա ընդամենը երեք հանդիպում է անցկացրել Չեմպիոնների լիգայում: Մինչդեռ ես երկու անգամ հաղթել եմ այն": Այս խոսքերն ասվել ենՉեմպիոնների լիգայի "Միլան"-"Ռեալ" հանդիպման նախօրեին: 

46. "Կան մարզիչներ, որոնք կարող են ագրեսիա ձևացնել, և նրանց հետ ոչինչ չի պատահում": Այն մասին, թեինչպես Պեպ Գվարդիոլան հրեց Քրիշտիանու Ռոնալդուին: 

47. "Կա մի թիմ, որի հետ խաղերում հակառակորդները միշտ փոքրամասնությամբ են մնում: Մեզ բախտը այդպես չի ժպտում": Մրցավարների' "Բարսելոնայի" հանդեպ ունեցած համակրանքի մասին: 

48. "Այն գոլը, որ խփեց Ինյեստան աշխարհի առաջնության եզրափակչում, կարող էր խփել  յուրաքանչյուր այլ ֆուտբոլիստ: Նա արժանի չէ "Ոսկե գնդակին": 

49. "Մի "բանիմաց" բժիշկի պատճառով Իգուաինը  մինչ մրցաշրջանի ավարտ դաշտ դուրս չի գա: Իսկ ես և "Ռեալի" բժիշկները գիտեինք, որ վիրաբուժական միջամտություն է անհրաժեշտ": Կատալոնական բժիշկիմասին, ով ասել էր, որ Իգուաինի միջողնաշարային վնասվածքը կարելի է բուժել առանց վիրահատության: 

50. "Ես արդեն բավականին հասուն եմ ԶԼՄ-ների միջոցով հաղորդագրություններ ստանալու համար: Թիմը ձևավորում եմ ես և որոշումներ կայացնում եմ ևս ես": Կտրուկ պատասխան գլխավոր տնօրեն ԽորխեՎալդանոյին: