Մադրիդի «Ռեալի» գլխավոր մարզիչ Ժոզե Մոուրինյոն ցանկանում է, որ ակումբի նախագահի օգնական Զինեդին Զիդանն ավելի շատ մասնակցություն ունենա թիմի կյանքում: Այս մասին հաղորդում է «Marca»-ն:
Պորտուգալացի մասնագետը հավակնում է, որպեսզի Զիդանը կատարի այն գործառույթները, որոնք ավելի վաղ պատկանում էին ակումբի գլխավոր տնօրեն Խորխե Վալդանոյին, այսինքն'Զիզուն պետք է դառնա կապող օղակ թիմի և ղեկավարության միջև: Մոուրինյոն ցանկանում է, որպեսզի Զիդանը ազատ ելումուտ ունենա թիմի հանդերձարան և ավելի վաղ այնտեղ հայտնվի' իմանալու թիմի նորություններ հենց իրենից:
Հիշեցնենք, որ վերջին ժամանակներում Մոուրինյոյի և Վալդանոյի հարաբերությունները կտրուկ վատացել են: Պորտուգալացի մասնագետն արգելել է արգենտինացուն թիմի հանդերձարան մտնել խաղից առաջ և հետո, ինչպես նաև ներկա գտնվել Բալդեբեբասի բազայում անցկացվող թիմի ուսումնամարզական մարզումներին:
