Մադրիդի «Ռեալի»  գլխավոր մարզիչ Ժոզե Մոուրինյոն կարծում է, որ անհրաժեշտ է թիմի միջին գիծը հաջորդ մրցաշրջանում ուժեղացնել: Այս մասին գրում է championat.ru'ըստ «Marca»-ի հրապարակման:

Պորտուգալացի մասնագետը կրկին հիշել է «Ռոմայի» հարձակվող Դանիելե դե Ռոսսիի մասին:

Հիշեցնենք, որ ընթացիկ մրցաշրջանի մեկնարկից առաջ նա արդեն ցանկություն է հայտնել  իր թիմի կազմում տեսնել Իտալիայի հավաքականի ֆուտբոլիստին, բայց նրան ձեռք  բերել այդպես էլ  չի հաջողվել: Մոուրինյոն դե Ռոսսիին գերադասում է «Բավարիայի» ֆուտբոլիստ Բաստիան Շվայնշտայգերից և «Արսենալի» ավագ Սեսկ Ֆաբրեգասից:  Սակայն պետք է նշել, որ ակումբի նախագահ Ֆլոենտինո Պերեսը իտալացու համար 25 մլն եվրոյից ավելին չի պատրաստվում վճարել: