Մադրիդի "Ռեալի” գլխավոր մարզիչ Ժոզե Մոուրինյոն AS-ին տված հարցազրույցի ժամանակ խոսել է իր սաների հոգնածության մասին վերջին մի քանի հանդիպումներում: Պորտուգալացի մասնագետի խոսքերով, բանն այն է, որ "Արքակական ակումբի” ֆուտբոլիստները սովոր չեն նման լարվածության:
"9 հանդիպում մեկ ամսվա ընթացքում այդքան էլ բարդ խնդիր չէ այն թիմերի համար, որոնք սովոր են նման ռիթմի: Իսկ իմ ֆուտբոլիստներին դա օտար է, քանի որ նրանք մի քանի տարի չեն հասել Իսպանիայի գավաթի խաղարկության կիսաեզրափակիչ փուլ: Բայց ես հույս ունեմ, որ հաջորդ տարի մենք կառաջադիմենք այդ հարցում, քանի որ մեր նպատակն է հաղթել բոլոր մրցաշարերում, որոնց մասնակցում ենք”, - ասել է Մոուրինյոն:
|
