"Ռեալի” դարպասապահ Իկեր Կասիլյասը մեկնաբանել է Իսպանիայի գավաթի` "Սևիլիայի” հետ կիսաեզրափակչի վերջում տեղի ունեցած դեպքը (1:0): Խաղի ավարտն ազդարարող սուլոցից հետո "Սևիլիայի” երկրպագուները ջրով լի շիշը նետել են "Արքայական ակումբի” ավագի գլխին, ինչից հետոԿասիլյասը ընկել է խոտածածկույթի վրա և մի քանի րոպե չի կարողացել բարձրանալ:

 "Ինչ-որ խուլիգան հարվածեց ինձ շշով, - Կասիլյասի խոսքերն է մեջբերում AS-ը, - սա վատ ստվեր է գցում այն լավ երկրպագուների վրա, որոնք եկել էին սատարելու  իրենց թիմին: Բայց, ինչպես միշտ, մարզադաշտում գտնվում է մի այսպիսի խուլիգան: Եթե այդ ամենը նկարահանվել է, ապա, կարծում եմ, կարգապահական կոմիտեն կպատժի մեղավորին: Մարդիկ եկել էին սատարելու իրենց սիրած ակումբին, բայց ինչ-որ հիմար փչացրեց նրանց տոնը:

Մենք լավ արդյունքի հասանք, թույլ չտվեցինք հակառակորդին խփել: "Սևիլիան” հիանալի խաղ է ցուցադրում հարձակման գոտում, այդ իսկ պատճառով մենք չպետք է թուլանանք: