Անգլիայի հավաքականի գլխավոր մարզիչ Ֆաբիո Կապելոն խոստովանել  է, որ "Եվրո-2012”-ի ընտրական փուլի Ուելսի հետ հանդիպումից առաջ (2:0) չի զգուշացրել Ռունիին, որ դեղին քարտ ստանալու դեպքում վերջինս կորակազրկվի:

"Սովորաբար մենք հիշեցնում ենք այդ մասին ֆուտբոլիստներին, սակայն այս անգամ չարեցինք դա, - ասել է իտալացին Sky Sports-ին, - Ռունին բաց կթողնի հաջորդ հանդիպումը: Երբ ես ասացի նրան այդ մասին, նա հարցրեց "ինչու՞”: Ուեյնը զարմացած էր, քանի որ մոռացել էր առաջին զգուշացման մասին”:

Հունիսի 4-ին Անգլիայի հավաքականը "Եվրո-2012”-ի ընտրական փուլի շրջանակներում  հանդիպելու է  Շվեյցարիայի հավաքականի հետ: