Հայաստանի հավաքականի հարձակվող Հովհաննես Գոհարյանն այս օրերին մարզվում է «Ուֆա» ակումբում, որը գլխավորում է նախկինում հայտնի ֆուտբոլիստ Անդրեյ Կանչելսկիսը:
«Ուֆան» հանդես է գալիս Ռուսաստանի առաջնության երկրորդ լիգայում: Թիմը ստեղծվել է «Բաշինֆորմսվյազ-Դինամո» ակումբի հիման վրա: Նախագծի հեղինակը Ռուսաստանի հավաքականի նախկին գլխավոր մարզիչ Անատոլի Բիշովեցն է:
Գոհարյանը հասցրել է արդեն Կիսլավոդսկում անցկացվող ուսումնամարզական հավաքի ժամանակ խաղալ Պյատիգորսկի «Մաշուկ» թիմի դեմ ստուգողական հանդիպմանը: Հարձակվողը խաղադաշտ է դուրս եկել առաջին իսկ րոպեներից և բացել է հանդիպման հաշիվը: Հետագայում Գոհարյանը փոխարինվել է:
