Եղիշե Մելիքյանը պայմանագիր կնքեց Շիրակի հետ ՀԱՅԿԱԿԱՆ ՖՈՒՏԲՈԼ / Բարձրագույն խումբ - 25 Января 2011

Այսօր «Շիրակը» մեկ տարվա պայմանագիր է կնքել փորձառու ֆուտբոլիստ Եղիշե Մելիքյանի հետ, ով հունվարի 6-ից մարզվում է Գյումրին ներկայացնող ակումբում։ Այս մասին տեղեկացնում է «Շիրակի» մամուլի քարտուղարությունը։

Եղիշե Մելիքյանը ծնվել է 1979թ. օգոստոսի 13-ին Երևանում։ Մեծ ֆուտբոլում առաջին քայլերը կատարել է Արտաշատի «Դվինում», ապա հանդես է եկել Արարատի «Արաքսում», Երևանի «Բանանցում», ուկրաինական «Մետալուրգում» (Դոնեցկի) և «Ստալում»։ Վերջինիս կազմից վերադառնալով՝ 2009թ. Մելիքյանը կրկին հանդես է եկել Հայաստանի առաջնությունում՝ ելույթ ունենալով «Ուլիսի» կազմում։ Նույն տարվա ամռանը կրկին տեղափոխվել է Ուկրաինա՝ հանդես գալով «Զարյայի» կազմում։ 2010թ. Հայաստանի առաջնության առաջին շրջանում հանդես է եկել «Ուլիսում»։

Հայաստանի հավաքականի կազմում Եղիշե Մելիքյանն անցկացրել է 29 հանդիպում։

Հիշեցնենք, որ նախապատրաստական փուլի շրջանում «Շիրակն» արդեն պայմանագրեր էր կնքել Արմեն Տիգրանյանի, Կարեն Ալեքսանյանի և Հովհաննես Գրիգորյանի հետ։