«Մանչեսթեր Յունայթեդի» պաշտպան Պատրիս Էվրան պատրաստվում է դիմել դատարան «Լիվերպուլի» հարձակվող Լուիս Սուարեսի դեմ հայցով՝ մեղադրելով նրան ռասիզմի մեջ, հաղորդում է soccer.ru-ն։
«Ես խոսել եմ Պատրիսի հետ, և նա վստահեցրեց, որ պատրաստվում է գործին ընթացք տալ։ Մեզ համար դա մանրուք չէ։ Երկու ակումբներն էլ խաղադաշտում կատարվածի համար պատասխանատվություն են կրում, և շաբաթ օրը դա արդեն չափից դուրս էր»,- հաստատել է «կարմիր սատանաների» գլխավոր մարզիչը։
Ուրուգվայցի հարձակվողն իր հերթին կտրականապես հերքում է իր հասցեին արված բոլոր մեղադրանքները։
