"Լիվերպուլի” հարձակվող Էնդի Քերոլը մանրամասն պատմել է իր տեղափոխության հանգամանքների մասին:
"Ես բանակցություններ էի վարում ակումբի հետ նոր պայմանագրի վերաբերյալ: Բայց անսպասելի ղեկավարությունը հայտարարեց, որ չի պատրաստվում նոր պայմանագիր առաջարկել ինձ: Դա տեղի ունեցավ այն բանից հետո, երբ "Լիվերպուլը” "Նյուքասլին” իմ ծառայությունների դիմաց առաջարկեց 30մլն ֆունտ:
Ես հարցրեցի, թե ինչու ինձ հնարավորություն չեն տալիս նոր պայմանագիր կնքել: Ղեկավարությունը ինձ պատասխանեց, որ նրանց ձեռքերը կապված են: Այնուհետև "կարմիրները” 35մլն առաջարկեցին, ինչից հետո ինձ թույլ տվեցին բանակցություններ վարել "Լիվերպուլի” հետ: Ակումբի սեփականատեր Մայք Էշլին ասաց ինձ, որ ես այլևս պետք չեմ ակումբին: Այս խոսքերից հետո ժամանեց այն ուղղաթիռը, որով ես պետք է մեկնեի` բանակցություններ վարելու "Լիվերպուլի” հետ: Քանի որ նրանք ակնարկում էին, որ ես այլևս հարկավոր չեմ թիմին, ես համաձայնվեցի: Այնուհետև ”Լիվերպուլի” առաջարկը անսպասելիորեն մերժվեց:
Ակումբի գործադիր տնօրեն Դերեկը խնդրեց ինձ դիմում գրել տրանսֆերի համար: Ես ելք չունեի, և զրկված էի այլընտրանքից:
Այլևս պետք չէի "Նյուքասլին”, նրանք պարզ հասկացրեցին, որ նրանց գումար է անհրաժեշտ: Դիմումը գրելուց հետո ես սեփականատիրոջ ուղղաթիռով մեկնեցի բանակցությունների, թեև չէի ցանկանում որևէ այլ ակումբ տեղափոխվել:
Ապշած էի, երբ հասկացա, որ պետք չեմ հարազատ թիմիս, հանուն որի տվել եմ ամեն ինչ: Չեի ցանկանում հեռանալ: Հավատացած եղեք, ակումբը քաջատեղյակ էր այդ մասին:
"Նյուքասլում” ֆանտաստիկ ֆուտբոլիստներ են խաղում”, - ասել է Քերոլը Chroniclelive.co.uk-ին տված հարցազրույցի ժամանակ:
|
