Իսպանիայի հավաքականի գլխավոր մարզիչ Վիսենտե Դել Բոսկեն ընդգծել է, որ իր թիմը կփորձի հաղթանակ տոնել Շոտլանդիայի նկատմամբ, չնայած որ արդեն ապահովել է խմբում առաջին տեղը։

«Եթե մենք հաղթենք, ընտրական փուլը կավարտենք հարյուր տոկոսանոց արդյունքով, և դա խաղացողների համար լրացուցիչ մոտիվացիա է»,- Դել Բոսկեի խոսքերն է մեջբերում Daily Record-ը։

«Մենք պատրաստվում ենք խաղալ այնպես, ինչպես ուրբաթ օրը Չեխիայի հետ։ Չգիտեմ, կհաղթենք մենք, թե ոչ, բայց պետք է լավ հանդես գանք։ Մենք լավ թիմ ունենք և ես պատրաստվում առավելագույնս ուժեղ կազմ դուրս բերել խաղադաշտ»։