Լոնդոնի «Տոտենհեմի» հարձակվող Ջերմեյն Դեֆոն վստահ է, որ նա ի զորու է փոխարինել Ուեյն Ռունիին Անգլիայի հավաքականում, հաղորդում է Football.ua-ն։
Հիշեցնենք, որ երեքխաղյա որակազրկման պատճառով «Մանչեսթեր Յունայթեդի» հարձակվողը բաց կթողնի «Եվրո-2012»-ի խմբային փուլի բոլոր հանդիպումները։
«Երբ ես առողջ եմ և լավ մարզավիճակում եմ, կարող եմ համապատասխանել ազգային թիմում խաղալու մակարդակին»,- Դեֆոյի խոսքերն է մեջբերում London Evening Standard -ը։
«Ֆաբիո Կապելոն գիտի, թե ես ինչի եմ ընդունակ։ Ես արդեն ապացուցել եմ իմ բարձր մակարդակը՝ խաղալով աշխարհի առաջնությունում։ Իմ կողմից ես խոստանում եմ անել հնարավոր ամեն ինչ Եվրո մեկնելու համար։ Մնացածն արդեն պետք է մարզիչը որոշի»։