Հյուսիսային Լոնդոնի երկու ակումբները' "Արսենալը" եւ "Տոտենհեմը", հետաքրքրված են "Չելսիի" իվուարցի հարձակվող Դիդյե Դրոգբայի ծառայություններով:
Ինչպես տեղեկացնում է Footylatest.com-ը, առայժմ անհաջող են դասավորվում գործող պայմանագիրը երկարաձգելու շուրջ' "Չելսիի" եւ Դրոգբայի գործակալի միջեւ ընթացող բանակցությունները:
Ավելի վաղ Դրոգբան հայտարարել էր, որ մտադիր է իր կարիերան ավարտել հենց "Չելսիում", սակայն ազնվականները պատրաստ են պայմանագիրը երկարաձգել ընդամենը մեկ տարով:
"Տոտենհեմն" ու "Արսենալը" պատրաստ են 33-ամյա ֆուտբոլիստին առաջարկել երկարաժամկետ պայմանագիր:
Հիշեցնենք, որ Դիդյե Դրոգբան "Չելսի" է տեղափոխվել 2004թ.-ին եւ մինչ օրս "ազնվականների" կազմում անց է կացրել 310 խաղ եւ դարձել է 145 գոլի հեղինակ:
