«Տոտեհեմի» հարձակվող Էմանուել Ադեբայորը ցանկություն է հայտնել վերսկսել ելույթները Տոգոյի հավաքականում երկու տարի ընդմիջումից հետո, հաղորդում է Goal.com-ը։
27-ամյա աֆրիկացին 2010թ. հունվարին որոշում էր ընդունել այլևս չխաղալ հավաքականում, երբ Աֆրիկայի գավաթին մեկնելիս նրանց ավտոբուսը հրազենային հարձակման էր ենթարկվել, ինչի արդյունքում երեք մարդ էր մահացել։
«Ադեբայորը ցանկություն է հայտնել վերադառնալ հավաքական 2012թ. Աֆիկայի գավաթի ընտրական փուլի վերջին։ Նա նաև ցանկանում է հայտնվել աշխարհի առաջնությունում»,- հայտարարել է Տոգոյի ֆուտբոլի ֆեդերացիայի փոխնախագահ Էրվե Պիզան։