Լոնդոնի "Տոտենհեմը" մտադիր է վարձավճարով թիմ հրավիրել "Մանչեսթեր Սիթիի" հարձակվող Էմանուել Ադեբայորին:
Պայմանագրի բոլոր կետերի վերաբերյալ երկու կողմերն այսօր համաձայնության են եկել:
Սպասվում է, որ "Տոտենհեմի" կազմում Ադեբայորը կարող է խաղադաշտ դուրս գալ արդեն Անգլիայի-Պրեմիեր Լիգայի մոտակա տուրում` "Մանչեսթեր Յունայթեդի" հետ կայանալիք խաղի ժամանակ:
Համաձայն Goal.com-ի ունեցած տեղեկությունների, Էմանուել Ադեբայորի շաբաթական աշխատավարձը, որը կազմում է 170 հազ. ֆունտ ստեռլինգ, երկու կողմերը հավասարապես են վճարելու:
Ըստ ոչ պաշտոնական տեղեկությունների, տոգոլեզցի ֆուտբոլիստի վարձավճարի համար "Տոտենհեմն" ստիպված է եղել վճարելու 2 մլն. ֆունտ ստեռլինգ: Միեւնույն ժամանակ, "շպորները" շարունակում են Ադեբայորի ամբողջական տրանսֆերը ձեռք բերելու ուղղությամբ ընթացող բանակցությունները: Իսկ այդ գործարքը գնահատվում է 12 մլն. ֆունտ ստեռլինգ:
