Իտալիայի ոստիկանությունը կալանքի տակ է դրել «Չելսիի» սեփականատեր Ռոման Աբրամովիչին պատկանող Cala di Volpe առանձնատունը։

Ինչպես հաղորդում է տեղի մամուլը, դրա պատճառը շինարարության ընթացքում կատարված չարաշահումներն են։ Այս պահին դատախազութունը փորձում է պարզել՝ արդյոք տան վրա իրականացված աշխատանքները համապատասխանում են տեղի օրենսդրությանը։ Մասնավորապես, խոսքը որոշ շինությունների բարձրության մասին է։

Աբրամովիչը առանձնատունը գնել է տեղի բժիշկներից մեկից, սակայն, ինչպես գրում է իտալական մամուլը, այն առայժմ միայն գլխացավանք է պատճառում ռուս միլիարդատիրոջը։